သ္ဘၚ်ကဵုဒါန်သ္ၚာလလးက္ထိုန် မရနုက်ကဵု(၃)ဝါဂှ် ကၠောန်ဗဒှ်ဏါ ပ္ဍဲစၟတ်တ္ၚဲ ၁၇ ဂိတုနဝ်ဝေန်ဗါ သၞာံ ၂၀၁၃ လ္တူဍုၚ်ဇၞော်ကွာလာလာမ်ပူ ဒၞာဲဘာမန် KL အရာပ်ပူတူပလာဇြာ ကၟိန်ဍုၚ်မလေဝ်ယှာရ။
ဂကူမန် ကောန်ဗုဒ္ဓဘာသာ စိုပ်ဌာန်မလေဝ်ယှာတအ် ဗၞတ်(၅၀၀)တၠပြၚ် တိုန်စိုပ်လဝ်တုဲ ပေၚ်ကၟိုဟ်အာနူလ္တူဘာ (ဒၞာဲအခန်တိုက်)ဂှ်တုဲ သီုရုၚ်မန်မလေဝ်ယှာ(၂)ထပ်လေဝ် ပေၚ်ကၟိုဟ်အာရောၚ် ညးတိုန်စိုပ်မွဲတၠဟီုရ။
သၚ်မန်နိမန်နၚ် နူဍုၚ်သေံ ကေုာံ ဍုၚ်မန်တအ် ကၠုၚ်စိုပ်လဝ်ဂှ်ကီု သီုသၚ်မန် မပ္တံကဵုဘာမန် အိပဵု၊ ဘာBM ဘာသၞေဟ်ဂၠုၚ် (ဟူတာန်မဳလေန်တာန်)တအ် ကၠုၚ်လဝ်ကီုရ။
သ္ဘၚ်ဝွံ ဥက္ကဌ နာဲအကးပေၚ် ညးအုပ်ကာ နာဲအေၚ်မာန် ကေုာံ မိဝိသာခါတအ် ပၠတရဴပံၚ်တောဲကဵု ဒါယကာ၊ ဒါယကာဗျန်ဂမၠိုၚ်တုဲ ကၠောန်ဗဒှ်ပ္တုဲလဝ်ဒါန် သ္ပလဝ်ကဵုကုသဵုရောၚ်။ ဂကူမန်ဗုဒ္ဓဘာသာ မိၚ်ဒးပရိုၚ်ဏံတုဲ သြဝ်က္တဵုဒှ် ဓဝ်မုဒိတာအိုတ်ညိဂှ် ပ္တိုန်ထ္ၜးဏါရ။
မိဇၟန်ပ္ကဴ
ဌာန်ပရိုၚ်ဗညာဓရာံ
0 comments :
Post a Comment