ဂကောံ UNFC ကေုာံ ဒဝ်အံၚ်သာန်သုဂျဳတအ် ဆဵုဂဗညးသ္ကအ် ပ္ဍဲသ္ၚိ ဒဝ်အံၚ်သာန်သုဂျဳ မၞုံလ္တူ ဍုၚ်လ္ဂုၚ် ဂၠံၚ်ဇၞူ တက္ကသဵုတုဲ ဗွဲလ္တူတေံ မ္ဒးပံက်ဟီုဏါရ။
တ္ၚဲသၟတ်မန် အလန်တတိယ ဍုၚ်မလေဝ်ယှာ
က္ဍိုပ်သ္ကိုပ်ဂမၠိုၚ် လ္တူကမၠောန်ချဳဓရာၚ်ဂကူ ညံၚ်ဟွံဂွံသ္ပလဝ်မဇ္ဇုဟ် ကုသၟတ်တံ(ဝါ) ခေတ်တ္ၚဲဏံ သၟတ်တံလေဝ် သာသ္ပအ်မံၚ်ဟွံထေက်ရပုဟ် နာဲရတ်ပံၚ်ဟီု
ဗီုပြၚ်ဂကူပဠောံ ကေုာံ သာ်အရံၚ်ပဠောံ
ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာ သၞာံ ၂၀၁၄
လိက်လၟေၚ်ဗညာဓရာံ
လိက်လၟေၚ်ဗညာဓရာံ (၂)ဂိတုမွဲဝါ တြးပ္တိတ်နူဂကောံသၟတ်မန်-တိဍာ်ဗၠးၜး
သဘၚ်ကောံဓရီုဇၞော် သၟတ်မန်- အလန်ပထမ ဍုၚ်မတ်မလီု
စၟတ်တ္ၚဲ ၁/၂/၃/၅/၂၀၁၄
လလောၚ်တြးနာနာ
ဂျာနေဝ် "လၟေၚ်ၜိုပ်ၜါ"
Tuesday, November 26, 2013
စပ်ကဵုဒပ်ပၞာန်ကၟိန်ဍုၚ်ပံၚ်ကောံတုဲ လ္တူမူဝါဒ UNFC ဂှ် ဒဝ်အံၚ်သာန်သုဂျဳ ထံက်ဂလာန်
ဂကောံ UNFC ကေုာံ ဒဝ်အံၚ်သာန်သုဂျဳတအ် ဆဵုဂဗညးသ္ကအ် ပ္ဍဲသ္ၚိ ဒဝ်အံၚ်သာန်သုဂျဳ မၞုံလ္တူ ဍုၚ်လ္ဂုၚ် ဂၠံၚ်ဇၞူ တက္ကသဵုတုဲ ဗွဲလ္တူတေံ မ္ဒးပံက်ဟီုဏါရ။
ဗော်မန်(၂)ပံၚ်ကောံဂှ် လလောၚ်တြးယျ
ပ္ဍဲသ္ဘၚ်ရတ်သြန်ဂှ် ဥက္ကဌ ဗော်ဒဳမဝ်ကရေသဳမန် နာဲၚိုဲတိၚ်(နာဲသိုက်သြန်) ဒု-ဥက္ကဌ(၁) နာဲသက်လွေန်၊ ဒု-ဥက္ကဌ(၂) နာဲတၠနန်၊ ဥက္ကဌဗော်ဒဳမဵုကရေဇြဳအလုံရးမန် နာဲဇၞူမန် ကေၚ်ကာဗဟဵုဗော်ဍုၚ်မန်တၟိ နာဲတၠညးတအ် အဃောဟီုဂလာန်ဂှ် ပံက်ထ္ၜးဟီုဏါ ပရူဗွဲလ္တူဝွံရ။
ကၠောန်ဗဒှ်သ္ဘၚ်ပံက်ရုၚ် ဂကောံပံၚ်ကောံမန်မလေဝ်ယှာ ဒေသပဳနာန်
သ္ကုတ်ပထမဂှ် နာဲကြက်သြန် နာယကသ္ကုတ်ပဳနာန်ဟီုဂလာန်ပံက်အသေဟာန်တုဲ မွဲအဆက်ဓဝ် ညးအုပ်ကါနာနာ ဂကောံပံၚ်ကောံမန်မလေဝ်ယှာ နာဲဂံၚ်သ္ကာ လဴထ္ၜးစပ်ကဵု ပရေၚ်ချဳဒရာၚ်နာနာဗီုတတ်ထပါ်ကၠုၚ်လဝ် သီုကဵု တၚ်ရန်တၟအ် ဂကောံဗွဲမသၠဲလးရ။
Friday, November 22, 2013
ဗၠာဲသၟိၚ်မလေဝ်တအ် စၟဳစၟတ်တိုန်ဗွဲမကြေပ်ဂြက်တုဲ သၟာကမၠောန်ကောန်ဍုၚ်ဗၟာတအ်ဒးစွံမံၚ်သတိ
ညးဟၟဲကဵုလိက်အုပ်တအ် ဒးဒုၚ်ထိၚ်ဒဝ်ဗွဲမဂၠိုၚ်ဂၠၚ်တုဲ ပရေၚ်ကိစ္စဗၠာဲသၟိၚ်တအ် ရပ်ဗတေၚ်ဒၟံၚ်အသိၚ်ဗီုဏံ ဝွံ ဆက်စပ်ဒၟံၚ်ကဵု ပဋိပက္ခ ပ္ဍဲကၟိန်ဍုၚ်ဗၟာ အကြာကောန်ဗုဒ္ဓဘာသာ ကေုာံ မူသလေန်တအ်ရောၚ် သၟာကမၠောန်ကောန်ဍုၚ်ဗၟာမွဲတၠ ဟီုလဴရ။
Sunday, November 17, 2013
ပ္ဍဲကောံဓရီု ကာမံက်တိုန် ကမ္မတဳဗဟဵု ဗော်ဍုၚ်မန်တၟိဂှ် ရုဲစှ်ဏာ နာဲဟံသာ နဒဒှ် ဒု ဥက္ကဌဗဟဵု
ပ္ဍဲကောံဓရီုဂှ် သ္ၚဳဂၠိပ်ပ္တိုန်ထ္ၜး လ္တုပေဲါဆဵုဂဗသဳကၠဳ ကုအလဵုသဳဗၟာ တွဵုရးကချေၚ် ဍုၚ်မျေတ်ဂျဳဏာဂှ်ကီု ပ္တိုန်ထ္ၜးသဳကၠဳလ္တုတၚ်နၚ်
သ္ဘၚ်ကဵုဒါန်သ္ၚာလလးက္ထိုန် ကၠောန်ဗဒှ်ပ္ဍဲဘာမန် KL
သ္ဘၚ်ကဵုဒါန်သ္ၚာလလးက္ထိုန် မရနုက်ကဵု(၃)ဝါဂှ် ကၠောန်ဗဒှ်ဏါ ပ္ဍဲစၟတ်တ္ၚဲ ၁၇ ဂိတုနဝ်ဝေန်ဗါ သၞာံ ၂၀၁၃ လ္တူဍုၚ်ဇၞော်ကွာလာလာမ်ပူ ဒၞာဲဘာမန် KL အရာပ်ပူတူပလာဇြာ ကၟိန်ဍုၚ်မလေဝ်ယှာရ။
ဂကူမန် ကောန်ဗုဒ္ဓဘာသာ စိုပ်ဌာန်မလေဝ်ယှာတအ် ဗၞတ်(၅၀၀)တၠပြၚ် တိုန်စိုပ်လဝ်တုဲ ပေၚ်ကၟိုဟ်အာနူလ္တူဘာ (ဒၞာဲအခန်တိုက်)ဂှ်တုဲ သီုရုၚ်မန်မလေဝ်ယှာ(၂)ထပ်လေဝ် ပေၚ်ကၟိုဟ်အာရောၚ် ညးတိုန်စိုပ်မွဲတၠဟီုရ။
Friday, November 15, 2013
ညးယိုက်နၚ်ဂဥုဲချေံဗၞတ်(၁၂၀၀၀)မဂှ် ဗော်ဍုၚ်မန်တၟိ ရပ်ဂွံပ္ဍဲဒေသပယျဵု ပွိုၚ်ဍုၚ်ကျာ်ပိ
ညးယိုက်နၚ်ဂဥုဲချေံ ဗၞတ် (၁၂၀၀၄)မ ကေုာံ သီုဂဥုဲၜူမာဲတၞဟ်လေဝ်ပါဂှ် သွက်ဂွံလုပ်ဍုၚ်သေံ လ္ပာ်မဟာဇျှာဲ အဃောမၚ်ဒၟံၚ်ပ္ဍဲပယျဵုဂှ် ရပ်ထိၚ်ဂွံအာရ။
"ပရိုၚ်သ္ဇိုၚ်ဏံ ကလိဂွံကၠုၚ်နူဒပ်လ္ပာ် မၞုံကွာန်ဂူၜဴတုဲ ပိုဲစၞောန်လဝ် ညံၚ်ဂွံမၚ်ရံၚ်စေအ်အ်ရ။ တုဲမ္ဂး သ္ပဒတန်ဂွံယျ ၜိုတ်ဏံတှ်ေ အဃောပိုဲမၚ်ဒၟံၚ် ဂၠံၚ်ပယျဵုလုပ်ဍုၚ်သေံဂှ် ပိုဲရပ်ထိၚ်မာန်ကၠုၚ်ရ။
“အဃောရပ်ထိၚ်ကေတ် ညးယိုက်နၚ်ဂဥုဲချေံဂှ် လ္ပာ်ဍေံ ဗွဲမကြာန်ဓမာန် ဟွံက္လေၚ်ပလန်မွဲသာ် ကေဝ်ဝ်ဇြုၚ်ၚ် ဒုပ်ရပ်တဴရ။ ပ္ဍဲဍေံဂှ်လေဝ် လက်သန်စကာသုၚ်စောဲလဝ်ဂဥုဲၜူမာဲနွံရောၚ် ဂွံဆဵုကေတ်ရ။”
Thursday, November 14, 2013
ဗော်မန်ပ္ဍဲဍုၚ် (၂) ဒှ်ပံၚ်ပကောံမာန်။ ၂၀၁၄ ဂိတုဂျောန်နဝါရဳမ္ဂး လုပ်ပ္တိုန်လိက်အခေါၚ် ဇရေၚ်အလဵုသဳ နကဵုယၟုဗော်တၟိ
ဗော်မန်ပ္ဍဲဍုၚ် (၂) မတွံဂး ဗော်ဒဳမဵုကရေဇြဳမန် ကေုာံ ဗော်ဒဳမဵုကရေဇြဳအလုံဒေသရးမန်တံ ပံၚ်ပကောံတုဲ ပ္ဍဲသၞာံ ၂၀၁၄ ဂိတုဂျောန်နဝါရဳမ္ဂး ပ္တိုန်လိက်အာတ်အခေါၚ်ဇရေၚ်အလဵုသဳ နကဵုယၟုတၟိမွဲရောၚ် ညးကေၚ်ကာဗဟဵု ဗော်ဒဳမဵုကရေဇြဳမန် နာဲတိဗန် (ကော်) နာဲသဵုမျေတ် ဟီုကဵုဌာန်ပရိုၚ် “မဇ္ဇျိမ” ပ္ဍဲစၟတ်တ္ၚဲ (၁၃) ဂိတုနဝ်ဝေန်ဗာ ၂၀၁၃ ရောၚ် ဂွံတီကေတ်ရ။
နကဵုယၟုဗော်တၟိမွဲ ရုဲစှ်တုဲ ပ္ဍဲဂိတုဂျောန်နဝါရဳတေံ ပတိုန်အာလိက်အခေါၚ် ဇရေၚ် ကဝ်မယှေန်ပေဲါရုဲမာဲ ရောၚ် ရဴဝွံညးဆက်ဟီုရ။
လတူနာဲသဵုမျေတ်ဟီုဂှ် ဥက္ကဌ ဗော်ဒဳမဵုကရေဇြဳအလုံဒေသရးမန် နာဲဇၞုမန် သ္ပဒတန်တုဲ ပ္ဍဲဂိတုဒဳဇြေန်ဗာမ္ဂး ရုဲစှ်အာညးကေၚ်ကာဗဟဵုဂမၠိုၚ်ရောၚ် နနဲသာ်ဏံပံၚ်ပကောံတုဲမ္ဂး အတိုၚ်ဆန္ဒညးဍုၚ်ကွာန်မန်တအ် တုပ်စိုတ်ဂှ် ဖျေံအာမူဝါဒကေုာံ ဂၠံၚ်တရဴဗော်ရောၚ် ရဴဝွံ နာဲဇၞုမန်ဟီုရ။
