ညးအုပ်ကာဂကောံသၟတ်မန်-တိဍာ်ဗၠးၜး သ္ကုတ်မလေဝ်သျှာ စှ်ေပၠတရဴ

ပ္ဍဲစၟတ်တ္ၚဲ ၁၀ ဂိတုဒဳဇြေန်ဗာ သၞာံ ၂၀၁၂ ဂှ် ညးအုပ်ကာနာနာ ဂကောံသၟတ်မန်-တိဍာ်ဗၠးၜး နာဲဝၚ်တၟး ကေုာံ ကောန်ဂကောံသၟတ်မန် နာဲဝၚ်မန် တအ် (၂) တၠ တိုန်စိုပ် ကောံဓရီု ဂကောံသၟတ်ပၠတရဴညဳသာ ကွာန်ကအ်ကျာ် ဖျေံသ္ဇိုၚ်ဒေသပူချောန် လတူဍုၚ်ကွာလာလာမ်ပူဂှ်ရ၊၊ ပ္ဍဲကောံဓရီုဝွံ နူဂကောံသၟတ်မန်-တိဍာ်ဗၠးၜး သ္ကုတ်မလေဝ်သျှာ နာဲဝၚ်မန် ရေၚ်တၠုၚ်ဏါ လျိုၚ်အသေအဟာန်တုဲ နာဲဝၚ်တၟးဘိုၚ်ပၠတရဴကဵု ကုဂကောံသၟတ်ပၠတရဴညဳသာ ရ၊ တုဲမ္ဂး နူဂကောံသၟတ်ပၠတရဴညဳသာ တအ်ကလေၚ်ရုဲစှ် ညးတာလျိုၚ်က္ဆံၚ်ၚ်ပၠန်ဂှ် နာဲတၠဝၚ်နာဲ ဥက္ကဌ၊ နာဲအံၚ်ဆာန်မန် ညးအုပ်ကာ ကေုာံ ကမ္မတဳကေၚ်ကာ (၁၀)တၠ ပါလုပ်ဒုၚ်ရုဲစှ်ရ၊ ကောံဓရီုဝွံ နူဂယး ၁၁:၃၀ စဵုကဵုစိုပ်သဝ်တ္ၚဲ ၀၄:၀၀ ကၠောန်ဗဒှ်ဏါရ လၟိဟ်ကောန်ဂကောံ တိုန်စိုပ်ဝွံ ဗၞတ်ဗ္ၜတ် (၄၀) ပြၚ်ၚ်နွံရ၊ ဂကောံသၟတ်ပၠတရဴညဳသာ ဝွံစပ္ကံဒက်ပ္တန်လဝ် သၞာံ ၂၀၀၉ မဒှ်ရ၊ ကွာန်ကအ်ကျာ် ဝွံ နွံမ္ဒာဲ ကွာန်ထဝ်ပၠၚ် ပွိုၚ်ဍုၚ်ဖာအၚ် (ခရိုၚ်သဓီု) မဒှ်ရ။