ဂၠံၚ်တရဴ သ္ဂောံဒက်ပ္တန်ဍုၚ်မန်တၟိ မွဲဝါပၠန်ဂှ် ပရေၚ်သၠုၚ်လညာတ်ဏံ ဒးကၠောန်ရောၚ် နကဵုဓဝ်ပတှ်ေသာ်ဏံ ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာတံ ယဵုဒုၚ်ကေတ်တုဲ အကြာမကၠုၚ်သ္ပမံၚ်ဍိက် ပ္ဍဲဍုၚ်ညးတၞဟ်ဂှ် သၟတ်တံကေတ် အခေါၚ်ခိုဟ်တုဲ ဇက်မံၚ်ဂၠံၚ်တရဴတိုၚ်ပ္ကဴ လွဳၜံၚ်မံၚ်သၟတ်တံဂှ် ဂွံဆဵုကေတ်ကီုရ၊
“မံၚ်မလေဝ်သျှာဏံ သီုဂွံကၠုၚ်ကၠောန်ကမၠောန် သွက်ဗပေၚ်ဗုၚ်ဂၞဴ သီုဂွံကဵုလညာတ်ကုသၟတ်တံ သာ်ဏံဂှ် နကဵု အဲမိတ်စိုတ် ကွေံကွေံရ” သာ်ဝွံ ညးမဖျေံမံၚ်ဘာသာ ပရေၚ်ဍုၚ်ကွာန် နာဲရာမညအီဆာဲ (သ္ဂံၚ်ဗော်ဍုၚ်မန်တၟိတြေံ) နာဲရာမညအီဆာဲဟီုရ။
“ခိုဟ်မံၚ် ပိုဲမံၚ်ဍုၚ်ပိုဲတေံ ၜိုန်ရဂွိုအ်အခေါၚ်ကတ်လ္ၚတ် စပ်ကဵုဘာတံဏံကီုလေဝ် စိုပ်မလေဝ်သျှာဏံမှ ဂွံဆဵုဂှ် မိပ်စိုတ် ကွေံဏောၚ် ကွးဘာသၠုၚ်လညာတ်မွဲတၠဟီုရ။
“ဒးပံက်ထေက်ကွေံကွေံရ ဘာသၠုၚ်လညာတ်ဏံ ဘာတအ်ဂှ် ဒှ်ၚုဟ်မး အရၚ်သွက်မၞိဟ်သၟတ်တအ်ကွေံကွေံရောၚ်” သာ်ဝွံ ကွးဘာတြေံ မစိုပ်ဍုၚ်အမေရိကာန် နာဲညာဏ်လွဳဟီုရ။
ဂကောံသၟတ်မန်-တိဍာ်ဗၠးၜးဝွံ စပံက်ကၠုၚ်လဝ်ဂကောံ နူသၞာံ ၂၀၀၇ ဂိတုဂျောန် ၁၀ တေံ ပ္ဍဲမဒပ်မေဝ်ဠ ဒေသမာဆံက် (ဗၟာ ချိုတ်) တေံတုဲ အခိၚ်နွံမံၚ်တေံလေဝ် ကေၚ်ပံက်လဝ်ဘာသၠုၚ်လညာတ် ပ္ဍဲပဒပ်မလေဝ်ဠ၊ ဗဒပ်နဝ်ဖဝ်တံဗၞတ်ၜါဝါနွံရ။ စိုပ်မ လေဝ်သျှာတုဲ ထပ်ပံက်လဝ် ဘာသၠုၚ်လညာတ် ပ္ဍဲသၞာံ ၂၀၁၀ ဂှ်မွဲဝါ၊ သၞာံ ၂၀၁၂ ဏံဂှ် ဂွံရုၚ်တုဲ စပံက်ကၠုၚ်လဝ်ဘာ နူဂိတု ဂျူလာၚ်တေံရောၚ်ဂှ် ဂွံတီကေတ်နူညးတာလျိုၚ်မွဲတၠရ။
“အကြာတၚ်ဝါတ်ဂါတ်ရကၠောန်မံၚ် တာလျိုၚ်ဂကူဏေါၚ် ညာတ်ကေတ်တုဲ ဒုၚ်မံၚ်ဒဒိုက် သၠုၚ်မံၚ်လညာတ်သၟတ်တံဏံဂှ် သၟတ်တံဍေံတီကၠိုဟ်ကၠးပါ်ပဲါဒးတုဲ ဂၠံၚ်ဍေံတံ ဒးစိုတ်ဍေံတံဂွံကွာ်အာဂံၚ်ၚ်မာန် ပၠောပ်စိုတ်ဓါတ်သာ်ဏံရ” “ဟီုဗ္ကန်လဝ်မွဲရ ကဵုသၟတ်တံ ဗွိုၚ်လဵုမံၚ်ၚ် ဗော်လဵုကၠောန်န် ဒှ်မံၚ်ဖဵုသွက်ဂကူတှ်ေတုဲရ” သာ်ဝွံ ဥက္ကဌ ဂကောံသၟတ်မန်-တိဍာ်ဗၠးၜး-သ္ကုတ် မလေဝ်သျှာ နာဲဥက္ကာဟီုရ။
ဘာသၠုၚ်လညာတ် ဂကောံသၟတ်မန်-တိဍာ်ဗၠးၜးဝွံ ချဳဒရာၚ်ကၠုၚ်မံၚ် သွာၚ်ဘာသၠုၚ်လညာတ်ဏံဂှ် နူကဵုစပံက်ဂကောံ ၂၀၀၇ ပ္ဍဲဗဒပ်မဝ်ဠ (ဍုၚ်သေံ)၊ သၞာံ ၂၀၀၈ ပ္ဍဲဗဒပ်နဝ်ဗဝ် (ဍုၚ်သေံ)၊ ပ္ဍဲသၞာံ ၂၀၁၀ ပ္ဍဲဍုၚ်မလေဝ်သျှာ၊ သၞာံ ၂၀၁၂ ပ္ဍဲဍုၚ်မလေဝ်သျှာ ပံက်ဂွံပန်ဝါတုဲ သၟတ်တံၜိုတ်ကၠံတၠပြၚ်ၚ်ကတ်လ္ၚတ်လဝ်ကီုရောၚ်ဂှ် ထမံက်လဝ်ပ္ဍဲလိက်ဒုၚ်စဳရေၚ် ဂကောံသၟတ်ရ။
0 comments :
Post a Comment