ပ္ဍဲအသေအဟာန်ဝွံ ဥက္ကဌကမ္မတဳသြန်ဂအုံကောန်ဂကူမန် ဍုၚ်မလေဝ်သျှာ နာဲအကးပေၚ်၊ ဥက္ကဌဂကောံဟံၚ်ဟ်မြန် နာဲသာၚ်ဝဏ္ဏ၊ အ္စာဘာပရေၚ်ဍုၚ်ကွာန် နာဲရာမညအီဆာဲ တအ်ပၠတရဴနဒဒှ်သဘာပတိတုဲ နာဲဝၚ်မန်(MYA) ဂှ် ရေၚ်တၠုၚ် ဏါနဒဒှ်လျိုၚ်အသေအဟာန်ရ။
ပထမကိုပ်ကၠာ နာဲအကးပေၚ်ဟီုပၟိၚ်ဂလာန် ပံက်အသေအဟာန်တုဲ ဥက္ကဌ ဂကောံဟံၚ်ဟ်မြန် နာဲသာၚ်ဝဏ္ဏ ဟီုဂလာန် မိပ်စိုတ်ရ။ စၞးအ္စာဘာ နာဲရာမညအီဆာဲ ဟီုဗ္ကန်ဂလာန်တုဲ စၞးကွးဘာသၠုၚ်လညာတ်(၂) နာဲနန်နာနာ၊နာဲမကြုက် ဟီုဂလာန် တၚ်ဂုဏ်လၟေၚ်ၚ်ရ။
တုဲမ္ဂးကဵုလာပ်ကုကွးဘာကေၚ်သ္ကာကီု သီုဇိုန်ဏှၚ်တဆိပ်ကြာဖျေံဘာသၠုၚ်လညာတ် ကွးဘာတအ်လၟေၚ်ၚ်ရ။ မွဲအဆက်ဂှ် ဥက္ကဌ ဂကောံသၟတ်မန် တိဍာ်ဗၠးၜး သ္ကုတ်မလေဝ်သျှာ နာဲဥက္ကာဟီုဂလာန်အုပ်ကၠေံနိဂီုတုဲ အုပ်ကၠေံအသေအဟာန် နကဵုဒွက် ကောန်ဂကူရ။
ပ္ဍဲကွးဘာကေက်သ္ကာ သွာၚ်သွဟ်လိက်ပရေၚ်ဍုၚ်ကွာန်ဝွံ နာဒဳပ(ကွာန်နာၚ်သၠုၚ်)ဂှ် ပထမ ၊ နာဲဟံၚ်မန်(ကွာန်ဒါလာန်) ဂှ် ဒုတိယ ကောဆာန်(ကွာန်ဒဵုထောၚ်)ဂှ် တတိယ ကလိဂွံတုဲ ညးစှ်ေဘာလၟေၚ်ဍာံပေၚ်ၚ် ဗၞတ်(၁၀)တၠ ညးကတ်လ္ၚတ် ကဝက် တရဴဂှ် (၁၂)တၠပြၚ်ၚ်နွံရောၚ်။
ဘာသၠုၚ်လညာတ်ဝွံ အပ္ဍဲသၞာံ ၂၀၁၀ တေံကၠောန်ဗဒှ် ဂွံအလန်ပထမတုဲ သၞာံ၂၀၁၂ဏံ ဒှ်အလန်ဒုတိယရ။ သွက်ညးကတ် လ္ၚတ် ကဝက်တရဴတအ်ဂှ် ဆက်တုဲမ္ဒးကတ်လ္ၚတ်အာပၠန်တုဲ ယးသၞာံဂတတေံ ညံၚ်ဂွံကၠောန်ဗဒှ် သ္ဘၚ်ဖျေံဘာမွဲဝါပၠန်ဂှ် သၟတ်မန်မလေဝ်သျှာ စိုတ်ထတ်ဒၟံၚ်ရောၚ်ဂွံတီကေတ်ရ။
0 comments :
Post a Comment