Thursday, December 6, 2012

ကောံဓရီုကမ္မတဳတ္ၚဲကောန်ဂကူမန် (၆၆) ဝါ အလန်တတိယ တုဲဒှ်အာ

6:03 AM     3 comments

ပ္ဍဲကဵုစၟတ်တ္ၚဲ ၂ ဂိတု ဒဳဇြေန်ဗာ ၂၀၁၂ ဂှ် ထပ်ကၠောန်ဗဒှ်ဏာ ကောံဓရီုကမ္မတဳတ္ၚဲကောန်ဂကူမန် ၆၆ ဝါ ဍုၚ်မလေဝ်သျှာ သ္ကုတ်ကေအယ်(လ်) ရောၚ်ဂွံတီကေတ်ရ၊ ကြပ်ကၠုၚ်ကဵုတ္ၚဲကောန်ဂကူမန်မ္ဂး မန်အလုံဂၠးကဝ်တံ ဗီုညးဗီုအဲဒက်ကမ္မတဳ ဖန်ဇန်ကၠောန်သ္ပးမံၚ် သွက်သ္ကောံကၠောန် တ္ၚဲကောန်ဂကူမန်အိုတ်ရ၊ သွက်တ္ၚဲကောန်ဂကူမန် ၆၆ ဝါ ဍုၚ်မလေဝ်သျှာ သ္ကုတ်ကေအယ်(လ်)ဏံဂှ် ပိုဲစဒက်ပ္တန်ကၠုၚ် ကမ္မတဳနူစၟတ်တ္ၚဲ ၉-၉-၂၀၁၂ တေံရ ၊ ဂွံကၠောန်အာကမၠောန် အဆက်က်မာန်ဂှ် ပိုဲတံကောံဓရီုကၠုၚ် ၂၁-၁၀-၂၀၁၂ ဂှ် အလန်ပထမ ၁၈-၁၁-၂၀၁၂ ဂှ် အလန်ဒုတိယ ၀၂-၁၂-၂၀၁၂ ဂှ် အလန်တတိယ ဆက်တုဲပၠန် တေံစၟတ်တ္ၚဲ ၀၆-၀၁-၂၀၁၃ တေံတှ်ေ ဆက်ကောံအာ အလန်စတုတ္ထပၠန်ဏေါၚ် သာ်ဝွံညးအုပ်ကာ တ္ၚဲကောန်ဂကူမန် ၆၆ ဝါ ဍုၚ်မလေဝ်သျှာ သ္ကုတ်ကေအယ်(လ်) နာဲဥက္ကာဟီုရ။ “မံၚ်ဍုၚ်ညးတၞဟ်ဂွံဒှ် တ္ၚဲကောန်ဂကူမန်မွဲမွဲဝါ ဂွံကၠောန်မာန်ဂှ်ဝါတ်မံၚ် ဇြဟတ်သြန် ဇြဟတ်ကာယ ဒးအိုတ် ဒးဍောၚ်တၟာဟလိုၚ်ဏေါၚ်” “အိုတ်-ဍောၚ်တီလေဝ် ဒးကၠောန်ဂှ်ရ မူပရောဟီုတှ်ေ တ္ၚဲဏံမွဲတ္ၚဲဂှ် ဇၟာပ်ဂကူမန် ဇာပ်မံၚ်ပ္ဍဲကောန်တၟံညးတံ” “ပ္ဍဲမလေဝ်သျှာဏံဟီုတှ်ေ တ္ၚဲကောန်ဂကူတုဲမွဲအလန်မ္ဂး ကမၠောန်ကၠေံ သေဌဳထဍေၚ်မွဲအလန်ဒှ်ရ အေဂှ်လေဝ်ကၠုၚ်ကဵုမံၚ်ဇြဟတ်ဏီဂှ် ထေက်ကဵုဒးထိုၚ်သး ဂကူမန်ပိုဲရ သာ်ဝွံ ညးဆက်ဟီုရ။ ကောံဓရီု စၟတ်တ္ၚဲ ၂-၁၂-၂၀၁၂ တုဲကၠုၚ်ဏံဂှ် ပရးဏါပဠောံ ၊ မာဲ ကၠောန်လဝ်သွက်သြန်ဗွဝ် တ္ၚဲကောန်ဂကူကီု၊ ကြက္ကဒိန် ကၠောန်လဝ်သွက်ဂွံဒှ်သြန်ဗွဝ် သြန်ဂအုံဂကူမန်ကီုဂှ် ပရးကဵုဏါတာလျိုၚ် ကုဂကောံကွာန်နာနာရ။ ရန်တၟံသွက်ဂွံဆဝ်မ္ၚုဟ်စိုတ်ဓါတ် ကောန်ဂကူမန်တုဲ ပ္ဍဲသက္ကရာဇ် ၁၉၄၆ ကၞောတ်သၞာံဂှ် နဇြဟတ်မၞိဟ် ကောန်ဂကူမန် မွဲဠက်ပြၚ်ၚ် ကၠောန်သ္ပသ္ဘၚ်ကောံဓရီု ကောန်ဂကူမန် အလန်ပထမ ပ္ဍဲကွာန်ပ္ၚ ဘာပလိုတ်တုဲ တၚ်သ္ကုတ်သွာတ်မဖျေံလဝ် ပ္ဍဲကွာန်ဝါဍောတ် “သက္ကရာဇ်သာသနာ ၁၁၁၆ ဂိတုမာ်မွဲစွေက် တ္ၚဲပ္တန်ဍုၚ် ဟံသာဝတဳဂှ် စၟတ်သမ္တီဏါ “တ္ၚဲကောန်ဂကူမန်” ဏေါၚ် အလုံဂကူမန်တံ ထပ်ဖျေံဏါ သ္ကုတ်သွာတ်ရ။

3 comments :

  1. AnonymousDecember 7, 2012 at 5:30 AM

    sorry for my comment by English, thank you for your information, We Mon people needs to do more Unity among the Mon and Mon, because we (Mon) around the world including the USA and Europe, they have different part of their Org. Starting from this December they are going to prepare and standby for their Organization to celebrate the once of the year of Mon National Day. That for the future of Mon People.

    I am from Norway, We have not yet meeting for Mon National Day, 2013.

    Regarding MYA News for Mon National Day meeting and discussion, how many are the Mon peoples attending and where it is held for meeting?


    I am really apologize for My English,


    Mon Love Mon

    ReplyDelete
    Replies
    1. Mon Youth AssociationJune 20, 2013 at 3:34 AM

      This is in Malaysia, we help meeting at Mon Refugee Office around 40 leaders from different place attended it.

      Delete
  2. Mon Youth AssociationDecember 15, 2012 at 9:16 AM

    There are usually attended around forty peoples and it's held in Mon Refugee Organization (MRO) office.

    We do appreciate for your times!

    ReplyDelete