သၟတ်မန်အပ္ဍဲဍုၚ်ကီု၊ မ္ၚးဍုၚ်ကီု ကၠောန်သ္ပအာ တ္ၚဲသၟတ်မန်ရောၚ်ဂှ် ဂွံတီကေတ်ရ၊ သၟတ်မန်မလေဝ်သျှာတံဂှ် စ ဒက်ပ္တန်ကၠုၚ်လဝ် ကမ္မတဳနူဂိတု အံက်တဝ်ဗာတေံရ ဒုၚ်ပြဟ်ပလေဝ်ပလေတ်လဝ်ရောၚ် သာ်ဝွံညးမကြပ်ကဵု သၟတ်မလေဝ်သျှာမွဲတၠဟီုရ၊
ဗီုဂှ်ကီု နူကဵုဌာန်ကောံသၟတ်အပ္ဍဲဍုၚ်မန်တေံ က္ဍိုက်က္ဍိုပ်တုဲ ကၠောန်သ္ပအာတ္ၚဲသၟတ်မန်ဏောၚ်၊ ဗီုညးတံစှ်ေမံၚ်ပ ရေၚ်စန်ဒက်ဂှ် ထမံက်ထ္ၜးလဝ် http://muhdoon.weebly.com/ ပ္ဍဲကဵုဗလံက်ရ။
သၟတ်မလေဝ်သျှာတံလေဝ် သွက်ဂွံကၠောန်ဗဒှ် တ္ၚဲသၟတ်မန်မာန်ဂှ် ဂစာန်ဂၠာဲမံၚ်သြန်ဂအုံဂှ် ဂွံတီကေတ်တုဲ စိုပ် စၟတ်တ္ၚဲ ၂၈-၁၂-၂၀၁၂ မ္ဂး ကၠောန်ဍာံဍာံဏောၚ် သာ်ဝွံမလုက်စုက်ကဵုဗွိုၚ်သၟတ်မွဲတၠဟီုရ။ ပရေၚ်ချဳဒရာၚ်ညးတံလေဝ် ထၟံက်ထ္ၜးလဝ် အပ္ဍဲကဵု ဗလံက် www.myamalayblogspot.com ကီုရ။
ရန်တၟံကဵု သ္ဂောံသၠုၚ်ပတိုန် အသိၚ်ပရေၚ်ချဳဒရာၚ် သၟတ်တံဂးတုဲ ပ္ဍဲကဵုသၟတ်မန်ခေတ်တၟိတံ မစချဳဒရာၚ်ကၠုၚ် ပ ရေၚ်သၟတ်ပရေၚ်ဂကူ အပ္ဍဲသက္ကရာဇ် ၁၉၄၆ ဂိတု ဒဳဇြေမ်ဗာ စၟတ်တ္ၚဲ ၂၈ ဂှ် နူကဵုပေဲါသၠာဲဂတးလညာတ်သၟတ်မန် အလုံဒေသရးမန်တံ ရုဲစှ်တုပ်စိုတ်သ္ပကၠုၚ်ဒတန်ရ။
ဂကောံသၟတ်မန်ခေတ်တၟိ အလန်ကၠာအိုတ်ဂှ် ဥက္ကဌ မန်သာန်လှာၚ်၊ ဒုဥက္ကဌ မန်ဗလုၚ်၊ ညးအုပ်ကာ မန်သိၚ်ထောန်အံၚ်၊ ကမ္မတဳ မန်သာန်လှ၊ နာဲၚိုဲတိၚ် (နာဲသိုက်သြန် ဥက္ကဌ ဗော်ဒဳမဝ်ကရေသဳမန်လၟုဟ်)၊ မန်မျတ်ထောန် တံပါလုပ်ဒက်ပတန်လဝ်တုဲ နကဵုတၚ်ရန်တၟံ သၟတ်တံသ္ဂောံဍိုက်ပေၚ်ကဵု ဓဝ်ဗလမသုန်သာ် ကေုာံ သွက်ဂွံဇၞော်ပၟဝ် သၠုၚ်ပတိုန်အသိၚ် ပရေၚ်ချဳဒရာၚ် လိက်ပတ်ယေန်သၞာၚ်မန်တံကီုရ။
0 comments :
Post a Comment