ဂကောံသၟတ်မန်-တိဍာ်ဗၠးၜး သ္ကုတ်မလေဝ်သျှာ ဆဵုဂဗကဵုဂကောံ ရီုဗၚ်ထံက်ပၚ် (ကွာန်ဒဵုကြေဝ်)

ပ္ဍဲစၟတ်တ္ၚဲ ၅ ဂိတုဒဳဇြေန်ဗာ ၂၀၁၂ ဂှ် ဂကောံသၟတ်မန်-တိဍာ်ဗၠးၜး သ္ကုတ်မလေဝ်သျှာ ဥက္ကဌ နာဲဥက္ကာ က္ဍိုက်ပ်တုဲ ကရောံဂှ် နာဲရာမညအီဆာဲ ၊ နာဲဇၟန်ရတ်၊ နာဲဝၚ်မန် တံပါလုပ်တုဲ အာဆဵုဂဗကဵု ဂကောံရီုဗၚ်ထံက်ပၚ် (ကွာန်ဒဵုကြေဝ်) မဖျေံသ္ဇိုၚ်ပ္ဍဲကဵုဒေသ (ကိုချာဲလာမာ) လတူဍုၚ်ဇၞော် ကွာလာလာမ်ပူဂှ်ရ၊ ပ္ဍဲပေါဲဆဵုဂဗဝွံ သဝ်တ္ၚဲ (၄:၄၅) စဵုကဵုစိုပ် (၆:၄၅) နာဍဳ ကၠောန်သ္ပဏါရ၊ ဥက္ကဌ သၟတ်မန် နာဲဥက္ကာ သောၚ်ကလးစပ်ကဵု ဂၠံၚ်တရဴဂကောံ ဗီုပြၚ်ထမံက်ဒၟံၚ်ရုပ်ရဴ ကမၠောန်ဂကောံတုဲ နာဲရာမညအီဆာဲ ဟီုဂးစပ်ကဵုပရေၚ် ဂကောံဂကူမန် ဗီုလဵုဆက်စၠေံာကၠောံဍ ညးသ္ကအ်မာန် အကာဲအရာ ဂကောံသၟတ်မန် ပံက်လဝ်ဘာသၠုၚ်ပ္တိုန်လညာတ်သၟတ် ကေုာံ ပရေၚ်အာက္ဍိုပ်ရ၊ ပ္ဍဲပေါဲဆဵုဂဗဝွံ နူဂကောံရီုဗၚ်ထံက်ပၚ် (ကွာန်ဒဵုကြေဝ်) နာဲအံၚ်သြန် က္ဍိုက်ပ်တုဲ သီုကောန်ဂကောံဗၞတ် (၁၀) တၠကရောံဂှ်မွဲဟာန် ကေုာံ ရဲကွာန်ဝၚ်တၟံ မွဲတၠ ကွာန်သာံလှေဝ် (၂ )တၠ ကွာန်အၚ်ဒၚ် မွဲတၠ ၊ ကွာန်ဇိုၚ်ကျာ် မွဲတၠ ၊ ပံၚ်သီုဖအိုတ် (၁၅) တၠ တိုန်စိုပ်လဝ်ရောၚ် ဂွံတီလဝ်ရ။ တၚ်သမ္တီ။ ။(ကွာန်ဒဵုကြေဝ်) မ္ဂးဂှ် မၞုံအပ္ဍဲတွဵုရးဍုၚ်မန် ပွိုၚ်ဍုၚ်ၜါသွာၚ် “တ္ကအ်ခၟိၚ်” မဒှ်ရ။