ပ္ဍဲကၟိန်ဍုၚ်မလေဝ်ယှာမ္ဂး ဂကောံပံၚ်ကောံမန်မလေဝ်ယှာ သ္ပသ္ကိုပ်သ္ကတုဲ ဍုၚ်ဇၞော်ကွာလာလာမ်ပူ သၟးဟွံက တွဵုရးအလဵုသတာတေံ ကၠောန်ဗဒှ် အသေဟာန်တ္ၚဲပၠန်ဂတးမန်ကီုရောၚ်။ နူဌာန်ပရိုၚ်ဗညာဓရာံ ဂွံတီကေတ်ရ။
“မန်ညဳဂှ် သၞတံဖေက်အိုတ်” အတိုၚ်ဂလာန်ညးတံ သၞတံဂွံဖေက်ဂှ် မန်တံဒးညဳသာဏောၚ် ဂွံဒှ်မာန်ဂှ် ဂကူမန်ပိုဲတအ် “တဲညဳကသုညဳ” ပံၚ်ကောံကၠောန်အာ ပရေၚ်ဂကူဘာသာ သာသနာ မွဲကရောံ ကုဂကောံပံၚ်ကောံမန်မလေဝ်ယှာ ပိုဲရောၚ် ရဴဝွံထၟံက်ထ္ၜးလဝ် ပ္ဍဲလိက်လလောၚ်တြးညးတအ်ရ။
နူဌာန်ပရိုၚ်ဗညာဓရာံသၟာန်ဏာ။ ပ္ဍဲအရာဆဝ်မ္ၚုဟ်ဂှ် ပိုဲဇန်လဝ်သွက်ဂွံပတိတ်လိက်လလောၚ်တြးနွံ ရန်တၟအ်ကောန်ဂကူမန် မၞုံလ္တုဍုၚ်မလေဝ်ယှာဏံ ဂွံတိုန်စိုပ်ဂၠိုၚ် ဂွံဒှ်စၟတ်သမ္တီဇၞော်ဇၞော်မွဲပၠန်ဂှ် ကၠောန်လဝ်ပဠောံနွံရ စပ်ကဵု poster ကမ္မတဳကၠောန်ဗဒှ် တ္ၚဲပၠန်ဂတးမန် ပ္ဍဲဍုၚ်ပိုဲတေံ ပ္တိတ်လဝ်ဂှ် ဂွံဒှ်မွဲစွံ ပ္ဍဲကဵုမလေဝ်ယှာဏံလေဝ် ထပ်တြးပတိတ်လဝ်ကီုရ။ မန်မၞုံလ္တုဍုၚ်မလေဝ်ယှာဏံ ဂွံတီဂွံကၠးအာ လ္တုက္ဍိုပ်သ္ကိုပ်တအ် ချဳဓရာၚ်လဝ်တုဲ ပိုဲတံဆဝ်မ္ၚုဟ်လဝ်နွံရ။
မွဲသာ်ပၠန် ပ္ဍဲလိက်လလောၚ်တြးဂှ် ညံၚ်ကောန်ဂကူပိုဲတအ် ဂွံကဵုဇြဟတ် မပ္တံ ဇြဟတ်သြန် ဇြဟတ်စိုတ် ဇြဟတ်ထံက်ပၚ်နာနာ သွက်ဒပ်ပၞာန်ဗၠးၜးကောန်ဂကူမန်ပိုဲ ဗီုဏံ ဆဝ်မ္ၚုဟ်လဝ်နွံရ။
တၚ်ဒးဒုၚ်ဂိုၚ်ကေတ်မွဲဂှ် လုကဴပိုဲဟွံဂွံဗၠးၜးဏီဏံဂှ် ဒပ်ပၞာန်ဗၠးၜးကောန်ဂကူမန်ပိုဲဂှ် နွံမံၚ်က္ဆံၚ်သၠုၚ်အိုတ် ပၟိက်ကိစ္စဇၞော်အိုတ် ညံၚ်ပိုဲဂွံဒုၚ်ကေတ်တဲမာန် သွက်သ္ဂောံထံက်ပၚ်အာညးတံဂှ်လေဝ် ကိစ္စဇၞော်ဇၞော်ကွေံကွေံရ။
ရဴဝွံ ညးမၞုံကဵုအခေါၚ်ဟီုဂးလေဝ်ဒှ် ညးအုပ်ကာ ဂကောံပံၚ်ကောံမန်မလေဝ်ယှာ နာဲဂံၚ်သ္ကာ ဟီုက္လးကဵု ဌာန်ပရိုၚ်ဗညာဓရာံရ။
စပ်ကဵု တ္ၚဲပၠန်ဂတးမန်တုဲ သီုဍုၚ်ဂှ် သီုတိဍာ်ဗော်ဍုၚ်မန်တၟိ အလုံလိုက်မွဲ သွက်ဂွံကၠောန်အာဂြုဂြုဂြီုဂြီု ကတိုၚ်ၚ်ကၟဟ်ဟ်ဂှ် စဳဇန်ဒၟံၚ်ရောၚ် ဂွံတီကေတ်ရ။
0 comments :
Post a Comment