ဘာကဵုလညာတ်ပရေၚ်ဍုၚ်ကွာန် အလန်ဒုတိယဏံ ရဲကွာန်ဒူရာသၟးဟွံက သီုရဲကွာန်လ္ဂောဝ်ဗ္တဳ (ရေဝ်သၟဝ်ကျာ) ရဲကွာန်ကံဍောတ်တအ်လေဝ် ဟိုတ်နူနွံ ကၠောန်မံၚ်ကမၠောန်ကရောံပိုဲတုဲ ပိုဲကော်ဘိက်လဝ်ကီု ညးတအ်တိုန်စိုပ်လဝ်ကီုရ ရဴဝွံ ညးဖန်ဇန်မွဲတၠ နာဲဂၠိၚ်ဟီုရ။
ဟိုတ်နူဒှ်အခိၚ်ဗ္တံ ၜိုတ်ဒးအေၚ်သတိက်ညိညဇြိုၚ်သာကီုလေဝ် ပိုဲအေၚ်ဒုၚ်မာန် အဓိကဂှ် ပိုဲမိက်ဂွံဝၚ်ပရေၚ်ဍုၚ်ကွာန်မန်တအ်ချဳဓရာၚ် ဗီုလဵုညးတအ်ပၠန်ဂတးကၠုၚ် မဟာဝါဒဳဂကူဗၟာတံရောဟီုဂှ် လၟုဟ်ပိုဲဂွံတီတုဲ ဒးတၚ်ဂုဏ်ကဵု ဂကောံသၟတ်မန်တၟာဂလိုၚ် ရဴဝွံ နူဌာန်ပရိုၚ်ဗညာဓရာံ သၟာန်ဏာဂှ် ညးတိုန်ကတ်လ္ၚတ်မွဲတၠ သၟတ်ကွာန်ကံဍောတ် နာဲဘာဲဍေတ်ဟီုရ။
ဘာကဵုလညာတ်ပရေၚ်ဍုၚ်ကွာန် အလန်ဒုတိယဏံ ညးစိုတ်လုပ်စ ပရေၚ်ဂကူ ပရေၚ်ဍုၚ်ကွာန် ဗၞတ်(၁၅) တၠပြၚ်ၚ် တိုန်စိုပ်လဝ်တုဲ နူဗ္တံ ၉-၄၅ စဵုကဵုစိုပ် ၁၂-၀၀ နာဍဳ သဳကၠဳသောၚ်ကလးလဝ် ဝၚ်ပၠန်ဂတးမန် ဝၚ်ပရေၚ်ဍုၚ်ကွာန်ဂကူမန် ဗွဲခမၞောန်တအ် လှဲလှဲလးလးရ။
ပိုဲဂှ်အတိုၚ်ညးတအ်အာတ်မိက် မွဲဂိတုမွဲဝါ ညံၚ်ဂွံဒှ်မာန် ဂစာန်တုဲ အာဒဵုစိုပ် ကဵုဏာညာတ်ပရေၚ်ဍုၚ်ကွာန် သောၚ်ကလးလဝ် ပရေၚ်ချဳဓရာၚ်ဗၠးၜးဂကူကီုရ။ အဓိက အခိၚ်တ္ၚဲဏံ ပရောပရာ ဗီုတအ်ဏံ ညးတံဒးတီထေက်ဂှ်ရ ပိုဲဒးကေတ်အခိၚ်ညံၚ်ဂွံ ဒးအာညံၚ်ဂွံစိုပ် ရဴဝွံ အ္စာဘာပရေၚ်ဍုၚ်ကွာန် နာဲရာမညအီဆာဲ ဟီုလဴကလးရ။
ဂတတေံ ညံၚ်ဂွံဒှ်လၟေၚ်ဍာံ မွဲဂိတုမွဲဝါမာန်ဂှ် သၟာကမၠောန်တအ် စိုတ်ထတ်ကတိုၚ်ကၟဟ် ဂိုတ်ဂစာန်အာပၠန်ရောၚ် ဂွံတီကေတ်ရ။
0 comments :
Post a Comment