နူဂယး ၁၀ -၄၅ နာဍဳဂှ် စပံက်ဏာအသေဟာန်တုဲ နာဲဗညာရာဇာ (M.Y.A) ဂှ် ရေၚ်တၠုၚ်ဏာ နဒဒှ်လျိုၚ်အသေဟာန်ရ။ ပထမကိုပ်ကၠာ နာဲကလေန်ဌာန် (စၞး နာယက မန်မလေဝ်ယှာ) ဟီုဂလာန်တုဲ စၞးသၚ်မန်မၞုံမလေဝ်ယှာ တၠဂုဏ်ကောဝိဒ (နွံပိုန်ဘာ KL အရာပ်ပူတူ) ဟီုဂလာန်ကဵုသြဝါဒရ။
ရန်တၟအ်ကၠောန်ဗဒှ်တ္ၚဲပၠန်ဂတးဂှ် သွက်ဂွံဗှ်ဗၞုဟ်ရော်ဂုဏ် က္ဍိုပ်သ္ကိုပ်ညးမဆာန်ဂကူ ကၠောန်ကၠုၚ်လဝ်သွက်ဂကူမန်တအ်ရ ပ္ဍဲအခိၚ်တ္ၚဲဏံ မိက်ဂွံကဵုကောန်ဂကူဒါယကာပိုဲဂှ် “ဇုတ်ဟကုဲ ဟွံပြဲနူဇုတ်ဇၞော်ပုဟ်” ဂကူမန်တအ်ညံၚ်အှော်မွဲစန် ဒးညဳသာသၟဟ်န်ရောၚ် ရဴဝွံကဵုဏာသြဝါဒဂှ် ဂွံတီကေတ်ရ။
ညးစၞးဂကောံနာနာ နာဲကန္တာဟံသာ ဟီုဂလာန် ပ္ဍဲအစဳဇန်ဟီုလဴထ္ၜး ၜိုတ်ဇကုတီ ၜိုတ်ဇကုညာတ်တ္ၚဲပၠန်ဂတးမန်ဂှ် နာဲသဟာဲကွာန် မိသိုက်ရတ် နာဲရာမညအီဆာဲ တအ် ဟီုလဴထ္ၜးဗွဲလၟေၚ်ၚ်ရ။ တုဲမ္ဂး ညးအုပ်ကာနာနာ ဂကောံပံၚ်ကောံမန်မလေဝ်ယှာ နာဲဂံၚ်သ္ကာ ဟီုဂလာန်သောၚ်ကလး ဗီုချဳဓရာၚ်ထၟံက်ကၠုၚ်ရုပ်ရဴကမၠောန်ရ။
အစဳဇန်တၟေၚ်ဂှ် နာဲဆာန်ဠာန် နာဲမဟူမာန် နာဲဝၚ်မန် နာဲလွဳမာန် တအ်ပံၚ်ကောံ မိသိုက်ညာဏ် (ကွးဘာဟံၚ်ပြာ်မန်) တုဲ ဝေၚ်ထ္ၜးပၠဇာတ်ဂှ် ဂွံဆဵုကေတ်ရ။ အစဳဇန်လှ်ေယေန်သၞာၚ် အစဳဇန်လဟိၚ်ထ္ၜးဂဳတလေဝ်ပါလုပ်တုဲ ညးဆာန်ဂကူမန် မၞုံလ္တု KL ဗၞတ် (၂၀၀) တၠပြၚ်ၚ် တိုန်စိုပ်လဝ်ရောၚ် ဂွံတီကေတ်ရ။
0 comments :
Post a Comment