ကောံဓရီုဝွံ စနူအခိၚ် ၉နာဍဳ ၃၀မိနေတ်ဂှ် ပံက်ဏါအသေအဟာန်တုဲ ညးလျိုၚ်သောၚ် ကလးစရၚ် နာဲထဝ်သောန် နာဲညာဏ်ဥူ တအ်ဟီုဂလာန်စပ်ကဵုစရၚ်သြန်တုဲ ညးစၞး ဂကောံကွာန်နာနာ နာဲက ယျိုၚ်မန် ဂအုပ်ရုၚ်ဟံၚ်ဟ်မြန် ဟီုဂလာန်စပ်ကဵုပရေၚ်ဆဵုဂဗနာနာမတတ်ၜက်ကၠုၚ်စဵုလၟုဟ်ကီု ညးစၞးဂကောံပံၚ် ကောံမန် မလေဝ်ယှာ ဥက္ကဌ နာဲအကးပေၚ် ဟီုဂလာန် "ညံၚ်ဇြဟတ်ဂကောံလွဳပရာအနာဂတပညာမန် ကွာန် သာံလှေဝ်ဏံ ဂၠိုၚ် ခိုၚ်ကၠိုက်မံၚ်ဂှ် ပ္ဍဲဂကောံပံၚ်ကောံမန်မလေဝ်ယှာပိုဲလေဝ် နွံပၟိက်မံၚ် ဟိုတ်ဂှ်ရ ညံၚ်ဂွံပံၚ်ကၠောန် အာကဵုပိုဲကီု" ရဴဝွံညးဟီုရ။
တုဲပၠန် ညးစၞးဂကောံသၟတ်မန်-တိဍာ်ဗၠးၜး-သ္ကုတ်မလေဝ်ယှာ နာဲမဟူမာန် ဟီ်ုဂလာန် စပ်ကဵုပရေၚ်ဂကောံ "ဂကောံမွဲမွဲ ဂွံတန်တဴအာ ဍာ်ဇမၠိၚ်မာန်ဂှ် ဒးနွံကဵုသၟတ်ဍိုဟ်ကေက် ဒးလွဳၜံၚ်လဝ်သၟတ်ဍိုဟ်ကေက်ရောၚ် တုဲပၠန် သီုညးတေံ တၚ်ဏါဂုဏ်ကုညးမပၠတရဴတအ်ရ။ ဒၞါဲညးတာလျိုၚ်ဥက္ကဌ ဂကောံလွဳပရာအနာဂတပညာမန် မယအ်မံၚ်ဂှ် ထပ်ရုဲစှ်ဗပေၚ်ဏါယာယဳ ဒၞါဲဂှ်ရုဲဏါဥက္ကဌတြေံ နာဲသုၚ်ကျဝ်လှ ပၠန်တုဲ ပ္ဍဲအခိၚ် ၁နာဍဳ ၃၀မိနေတ်ဂှ် အုပ်ကၠေံနိဂီုနကဵုရမျာၚ်တက်တဲရ။အသေအဟာန်ပ္တိုန်ဂုဏ်စရာဲ ကောံဓရီုဝွံ လၟိဟ်မၞိဟ်ၜိုတ် ၆၀ တၠပြၚ်ၚ်တိုန် စိုပ်ကဵုဇြဟတ်ရ။ကုညးမတိုန်စိုပ်တအ်ဂှ် ညးတအ် ဒုၚ်ကဵုဍာ် (100 plus)ညးမွဲ မွဲပူ တုဲ ဖါပ်ဗ္စကွာၚ်ခၞံ သီုကဵုစမ်ကုသဵု မဂၞန်ထဳ ရ။ညံၚ်ရဴဂကောံလွဳပရာအနာဂတပညာမန်ဏံကီု ဂကောံကွာန်တၞဟ်ဟ်တအ်လေဝ် ပ္ဍဲကဵုတ္ၚဲသၟာကမၠောန်ဍုၚ်မလေဝ်ယှာဏံဇူကလောန်ဂှ် သွက်ဂွံကၠောန်သ္ပအာ ကောံဓရီုနွံရောၚ် ဂွံတီကေတ်ရ။
0 comments :
Post a Comment