ဂိတုဏံ ပ္ဍဲကဵုစၟတ်တ္ၚဲ ၈ ဂှ် နူကဵု UNHCR ကဵု က္ဍိုပ်သ္ကိုပ်ကောန်ဍုၚ်အရၚ် မချဳဒရာၚ်ဒၟံၚ် ပရေၚ်ကောန်ညးဒှ်ဒဒိုက်တံ ဆဵုဂဗသဳကၠဳညးသ္ကအ် ပ္ဍဲကဵု ဒၞာဲ Chinese Assembly Hall ဂှ်တုဲ ဟီုပတိတ်ဏာရောၚ် သာ်ဝွံ ညးမရီုဗၚ်ဒၟံၚ် ကောန်ဒှ်ဒဒိုက်ချေၚ် သလာၚ်ကျဝ်ဝ်ဟီုရ။
ကောံဓရီု UN ကေုာံ CDU ဂိတုဏံ ဆဵုဂဗကဵု ဂကောံကောန်ဍုၚ်အရၚ်တံဂှ် နူကဵုညးဇၞော် UN ဟီုဏာရ၊ ကောန်ဍုၚ်ဗၟာဂှ် ပတိတ်အာကဵုကာတ်ဏောၚ် ညးတံဟီုရ၊ ကောန်ဍုၚ်အရၚ်တံ ပါဖအိုတ်ရဏောၚ်၊ တုဲပၠန် မၞိဟ်စိုပ်ကၠုၚ်လဝ် ပ္ဍဲဂိတုမာတ်(ချ်) ၂၀၁၃ လက္ကရဴလ္ပာ်တေံရ ပိုဲကဵုအာဏောၚ်ဂှ် ဆက်ဟီုရ၊
ကာတ်အခိၚ်တေံဂှ် “ကောန်ဒှ်ဒဒိုက်” (Refugee) ဏောၚ် ချူလဝ်၊ ဆဂးကာတ်လၟုဟ်ဂှ် ချူအာနကဵု “ဌာန်မစ္ၜုဲစ္ၜော်-ဌာန်ဟၟဲကဵုဘဲ” (Asylum Seeker) ချူအာဗီုဏံဏောၚ်၊ ပတိတ်ကဵုကာတ်အလန်ဏံဂှ် ကောန်ဍုၚ်ပိုဲ ပါလုပ်လၟိဟ် ၄၅၆၅၉ တၠရောၚ် သ္ဂောံတီကေတ်ရ။
ပွိုၚ်ဍုၚ်ပတိတ်ကဵု ဂမၠိုၚ်ဂှ် (Perak/Kedah) တေံ မၞိဟ် ၃၂၄၄ တၠ သွက်ဂိတု သာပ်တေန်ဗာ စၟတ်တ္ၚဲ၂ ဂှ်၊ (Cameroon Highland ဂှ် လၟိဟ်မၞိဟ် ၄၀၂၇ တၠ ပ္ဍဲဂိတုသာပ်တေန်ဗာ စၟတ်တ္ၚဲ ၉ စိုပ် စၟတ်တ္ၚဲ ၁၅ တေံ၊ (Kuantan/Pahang) ဂှ် လၟိဟ်မၞိဟ် ၄၁၂ တၠ ပ္ဍဲဂိတုသာပ်တေန်ဗာ စၟတ်တ္ၚဲ ၁၇၊ (Johor Baru) လၟိဟ်မၞိဟ် ၁၀၁၅ ပ္ဍဲဂိတု သာပ်တေန်ဗာ စၟတ်တ္ၚဲ ၂၀ စိုပ် ၂၄၊ (Seremban) ဂှ် လၟိဟ်မၞိဟ် ၁၃၅၀ တၠ ဂိတုသာပ်တေန်ဗာ ၂၆ စိုပ် ၂၈၊ (Selangor-KL) လၟိဟ်မၞိဟ် ၃၄၂၂၇ ကဵု သ္ကုတ်ပဳနာန်တေံ လၟိဟ်မၞိဟ် ၁၃၈၄ တၠဂှ် ပ္ဍဲကဵုသၞာံ ၂၀၁၄ ဂိတု ဇန္နဝါရဳ စၟတ်တ္ၚဲ ၃ စဵုစိုပ် စၟတ်တ္ၚဲ ၅ တေံ ပတိတ်ကဵုဏောၚ် သ္ဂောံတီကေတ်ရ။
တန်တဴကဵုအကာဲရာတုဲ ပ္ဍဲဍုၚ်မလေဝ်ယှာဝွံ ပတိတ်ကဵုကာတ်ယူအေန်ဂှ် ပ္ဍဲကဵုသၞာံ ၂၀၁၀ ဂိတုအေပရေဝ်တုဲကၠုၚ်တေံ ဒှ်လက္ကရဴအိုတ်တုဲ လၟုဟ်မှသ္ဂောံကလေၚ်စကၠောန်ကမၠောန်ပၠန်ရ။ လၟုဟ်ကောန်ဍုၚ်ပိုဲ ရဲရပ်လဝ်ကာတ်ယူအေန် တန်တဴဒၟံၚ်ပ္ဍဲဍုၚ်မလေဝ်ယှာ မၞုံလၟိဟ် ၜိုတ် ရ၀၀၀၀ နွံမာန်တုဲ သီကဵုရဲကၠုၚ်ကၠောန်စကမၠောန် ပံၚ်ဖအိုတ်မ္ဂး လၟိဟ်မၞိဟ် ၜိုတ်ၜါကိုတ် နွံမာန်ရောၚ်ချိၚ်ကေတ်ရ။
0 comments :
Post a Comment