ဗီုဒဒှ်ဝွံ မၞိဟ်မွဲဂကောံတံ လုပ်ကၠုၚ်သ္ၚိ ညးဗြဴကောန်ဍုၚ်ဗၟာ ၈ တၠမံၚ်ဒၟံၚ်ဂှ်တုဲ မိတူဇြာမၞုံအာယုက် အကြာ ၂၀ ဂှ် မၞိဟ်မွဲဂကောံတံ ဘပဠကဵုၜုန်တုဲ ပတိုန်ဏာကာတုဲ ပလီုပလာ်ဏာ
ကောန်သမ္ဘာအတိုၚ်မွဲဂကောံရ၊ အခိၚ်နူဂယး ၁နာဍဳပြၚ်ၚ်ဂှ် ကလေၚ်ထောံဖျေံနူကာ ကရပ်သ္ၚိညးဗြဴတံမံၚ်ဒၟံၚ်ဂှ်ရ။
ပၠီုပၠိုက်ထောံ ပါၚ်တြၚ်လ္ပာ်လက္ကရဴသ္ၚိဂှ်တုဲ မၞိဟ်မွဲဂကောံတံလုပ်စိုပ်ကၠုၚ်သ္ၚိဂှ် ညးဗြဴမၞုံပ္ဍဲသ္ၚိတံ ဖေက်လကိုတ်ကရေဲကညာၚ်တိုန်ဂှ် ညးဗြဴဖအိုတ်ဖေက်တုဲ ဂြိပ်တိတ်လ္ပာ်ပါၚ်တြၚ်မ္ၚးဏံတုဲ မိတူဇြာအေမွဲဓဝ် ဟိုတ်နူကဵု ကၠုၚ်လဝ်နူစၟဳစၟတ်ဆီ ဍောၚ်ၜိုတ်အိုတ်မံၚ်ဇိုၚ်တဲတုဲ တိက်ဒၟံၚ်ဟွံၚုဟ်ဂှ်ရ သှ်ေဒၟံၚ်ပ္ဍဲကဵုဒၟံၚ်သ္တိက်ဂှ်တုဲ ဍေံတံကော်ဏာရ။
လၟုဟ်မိတူဇြာအေ အရာသ္ဒးလွဳပရာထေက်ဂှ် ဒးဒုၚ်လွဳဒၟံၚ်တုဲ ဗီုပြၚ်ကုမၞိဟ်ပလီုပလာ်တံဂှ် ဂၠိုက်ဂၠာဲအာနူကဵု CCTV မစၟတ်သမ္တီလဝ် ပ္ဍဲကဵုပွဳပွူတံဂှ်ရောၚ်ဂှ် ထ္မံက်လဝ်ပ္ဍဲပရိုၚ် ပရေၚ်ဆက်စၠောံအေန်တာနေက်ပရေၚ်မၞိဟ်ဂှ် သ္ဂောံတီကေတ်ရ။
ပရူဒဒှ်တံဂှ် ကဵုလဝ်ပရိုၚ်ကုရုၚ်ကလုတ်ဗၟာတုဲ ရုၚ်ကလုတ်ဗၟာဂှ် တေၚ်ကဵုလဝ်ပရိုၚ်ကု လဝကမလေဝ်ယှာတုဲရတုဲ တ္ၚဲစန်ၜိုတ်အခိၚ် ၃ နာဍဳသဝ်တ္ၚဲ စိုပ်မာန်ဏောၚ် ကလေၚ်ကဵုလဝ်ပရိုၚ် သာ်ဝွံဂွံတီနူကဵု အေန်တာက်နေက် ညးမစိုပ်ဒၟံၚ်ဍုၚ်မလေဝ်ယှာဂမၠိုၚ်ဟီုရ။
စပ်ကဵုပရူဏံတုဲ ညးဗြဴဗၟာတံ ဟွံစှ်ေကမၠောန်တုဲ သ္ၚိညးတံမံၚ်သ္ဂောံဂီုကၠီုကၠောန်သ္ပကဵုကီု ကိစ္စဏံကေတ်ကဵုအရေဝ်ကီုညိဂှ် ထ္ၜးဒၟံၚ်ဆန္ဒ ပ္ဍဲကဵုရုၚ်စက် Flairis Sdn Bhd ရောၚ် သ္ဂောံတီကေတ်ရ။
0 comments :
Post a Comment