“သၞာံဏံပိုဲပ္တိတ်လဝ် လိက်တၞးဆဝ်မ္ၚုဟ်ဂမၠိုၚ် ဗီုဝၚ်ပၠန်ဂတးမန်ကတဵုဒှ်ကၠုၚ်ဂှ် တက်တုဲတြးလဝ်ဇၟာပ်ပွိုၚ်ဍုၚ်ရ။ သွက်ဂွံတိုန်စိုပ် အသေဟာန်ဂှ် ကၠောန်ပ္တိတ် ဗဳနာၚ်ဇၞော်ဇၞော် တုဲ ပ္တိုတ်လဝ်ဇၟာပ်ပွိုၚ်ဍုၚ်နွံ။ ဗွဲတၟေၚ်သၞာံဏံ ပရေၚ်လဟိၚ်စိုတ် ဂဳတပါလုပ် ဂကောံ Power Music ပါလုပ်ဗပေၚ်လဝ်ဇြဟတ်ဂှ်ရ ပရေၚ်တံၚ်ဂြဲဇၞော်ကၠုၚ် ဟီုစဂွံရ” ရဴဝွံဆက်ဟီုရ။
ဂကောံသၟတ်ဂကောံလိက်ပတ်ယေန်သၞာၚ်ဂမၠိုၚ် ကွးဘာတက္ကသဵုဂမၠိုၚ် က္ဍိုပ်သ္ကိုပ်ဗော်ပရေၚ်ဍုၚ်ကွာန်တအ်မ္ဂး ကေၚ်ကါဗဟဵု ဗော်ဍုၚ်မန်တၟိ နာဲတၠညး၊ုဥက္ကဌ ဗော်ဒဳမဝ်ကရေဇြဳမန် နာဲၚိုဲသိၚ် ဒုဥက္ကဌ(၂) နာဲတၠနန် ဖက်ဆောညးအုပ်ကါ အ္စာသဝ်ဟံၚ်ဍုၚ် နူဗော်A.M.D.P နာဲဇၞူမန် လေဝ်ပါလုပ်တိုန်စိုပ်ကီုရ။
“တ္ၚဲပၠန်ဂတးမန်ဏံ ညံၚ်ညးဍုၚ်ကွာန်မန်တအ် ဂွံတီဂၠိုၚ်တိုန်ဗီုမာ်မွဲစွေက် တ္ၚဲကေါန်ဂကူမန်မာန်ဂှ် ပိုဲဆက်တုဲဂိုတ်ဂ္စါန်ဒၟံၚ်ရောၚ်”။ ရဴဝွံတၠဂုဏ်ဥက္ကံသ ဟီုမြော်ရ။
သၞာံဏံပ္ဍဲဍုၚ်သေံလေဝ် ဗ္ဒာဲဍုၚ်ၜၚ်ကံက်မွဲဒၞာဲ၊ ခရိုၚ်သူရာတ်မွဲဒၞာဲကၠောန်ဗဒှ်တုဲ မန်စိုပ်ကၟိန်ဍုၚ်ပံၚ်ကောံအမေရိကာန်တအ်ဂှ် ကၠောန်ဗဒှ်ပြဟ်ဒုၚ်ဏါကိုပ်ကၠာနူသၞာံ ၂၀၁၃ ဂိတုအဝ်ဂါတ်(၁၆)တေံ ပ္ဍဲပွိုၚ်ဍုၚ်အေန်ဒဳယျာဏါ ၝောံဍုၚ်ဝှတ်ဝုၚ်ရ။
ဗီုဂှ်ကီု ဗော်ဍုၚ်မန်တၟိလေဝ် ဇၟာပ်ခရိုၚ်ကၠောန်ဗဒှ်အသေဟာန်တုဲ ပ္ဍဲဒေသပွဳပွူဗဟဵု ကၠောန်ဗဒှ်ပ္ဍဲ ကွာန်ပလိုၚ်ဂျပါန်ရောၚ် ဂွံတီကေတ်ရ။
နိဿဲနူ ဋ္ဌာန်ပရိုၚ် “မဇ္စျိမ”
0 comments :
Post a Comment